బయటపడ్డ ఎన్టీఆర్ లవ్వాట

జూనియర్ ఎన్టీఆర్ లవ్వాట బయటపడింది, ఇద్దరి భామలను బుట్టలో వేసుకునేందుకు ఆయన పడే మాటల గేమ్ లీకయింది. ఆ డైలాగులు విని ఎన్టీఆర్ రొమాన్స్ భలే బాగుంది అనుకుంటున్నారు. ఇద్దరు సుందరాంగులను భలే పడేసాడు అని ముచ్చటించుకుంటున్నారు.

ఇప్పటికే ఆయనకు పెల్లయింది, ఇదేం పాడుబుద్ది, పైగా అందరు మెచ్చుకోవడమేమిటి అనుకుంటున్నారా... అలా అనుకోకండి, ఇదంతా ఉత్తుత్తిదే, సినిమాలో ఆయన ఆడే లవ్వాట అన్నమాట. త్వరలో ఎన్టీఆర్ నటించిన ‘రామయ్యా వస్తావయ్యా’ సినిమా వస్తున్న సంగతి తెలిసిందే కదా. ఆ సినిమాలో పాపం ఎన్టీఆర్ ఇద్దరిని అంటే హీరోయిన్లు సమంత, శృతిహాసన్ లను లవ్ లో పడేయాలి.

అందుకోసం ఆయన పడే పాట్లలో ఈ డైలాగులు ఉన్నాయన్న మాట. అవేంటంటే ఎన్టీఆర్ ను సమంతను లవ్ లో పడేసే పనిలో భాగంగా ఆమెతో ‘ఫిమేల్ లో మేల్ ఉన్నాడు, వుమెన్ లో మెన్ ఉన్నాడు, సో దీన్ని బట్టి నీకేం అర్థం అవుతోంది, అమ్మాయిలకు అబ్బాయిలు కావాలమ్మా.. అంటాడు.

అలాగే శృతిహసన్ పడగొట్టడంలో భాగంగా ఆమెతో ‘మనం కలలో కూడా ఒకరిని మరచిపోలేక పోతున్నాం అంటే, వాళ్లంటే మనకు చంపేంత కోపమైనా అయ్యుండాలి, లేదా చచ్చిపోయేంత ప్రేమైనా ఉండాలి, ఏముంది మనిద్దరి మద్య’ అంటాడట